Андижон вилояти Олтинкўл туманида фуқароларни ўқишга ва Миллий гвардияга ишга жойлаб қўйиш учун 32 минг доллар олганлар ушланди. Бу ҳақда EVERYDAY.UZ мухбири хабар қилди.
Маълум бўлишича, 3 нафар фуқаро О.ни Миллий гвардияга ишга ва И.ни Жаҳон иқтисодиёти ва дипломатия университетига ўқишга жойлаб қўйишни ваъда қилган. Улар бунинг учун фуқаролардан 32 минг доллар талаб қилган. Фуқаролар айтилган пулни олаётганда ушланган.
Ушбу ҳодиса юзасидан ЖКнинг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Тергов олиб борилмоқда.
