GM Uzbekistan бу йил Chevrolet Captiva кроссовери ўрнини эгаллайдиган янги иккита автомобил моделини ишлаб чиқаради. Компания томонидан ишлаб чиқариладиган автомашиналар Chevrolet Equinox кроссовери ва Chevrolet Trailblazer йўлтанламас деб аталади.
«Барчага ёқадиган Chevrolet Captiva кроссовери ўрнига 2019 йилда иккита янги автомобиль – Chevrolet Equinox кроссовери ҳамда Chevrolet Trailblazer йўлтанламасини ишлаб чиқариши режалаштирилган. Автомобиллар GM Uzbekistan заводи негизида ишлаб чиқарилади», – дейди «Ўзавтосаноат» расмийлари.
Аввалроқ GM Uzbekistan 2019 йилнинг учинчи чораги охирида СУВ сегментида икки йўлтанламас модель намойиш қилиши ҳақида хабар берган эди.
«Яқин йиллларда янги глобал платформа яратамиз. Шунингдек, шу йилдан бошлаб биз СУВ сегментида, яъни йўлтанламас, йирик узелли икки автомобилни йиғишни бошлаймиз. Captiva ишлаб чиқаришни ўтган йил тўхтатганмиз. Унинг ўрнига шу йилнинг учинчи чорагида ушбу сегментда икки янги автомобиль намойиш қилинади», – дейди «Ўзавтосаноат» раиси ўринбосари Азиз Шукуров.
