Наманган вилояти Давлотобод туманида банк ходими аёлдан 500 доллар пора сўраган. Бу ҳақда EVERYDAY.UZ мухбири хабар қилди.
Маълум бўлишича, банк ходими аёлга кредит чиқартириб бериш учун пул талаб қилган. Аёл унга сўралган пулнинг 400 долларини берган. Сўнгра айтилганидек 259 млн сўм кредит ажратиб берилган. Кейинчалик аниқ бўлишича, ходим аёлга кафил топиб бергани учун шу пулларни сўраган бўлган.
3 март куни ўтказилган тадбирда ходим ушланган. Ҳолат бўйича жиноий иш қўзғатилган. Тергов олиб борилмоқда.
