Давлат божхона қўмитасининг 19 март куни бўлиб ўтган йиғилишда «Андижон» ташқи иқтисодий фаолият божхона пости бошлиғи ва унинг икки нафар ходими йиғилшнинг ўзида ҳибсга олинди. Бу ҳақда EVERYDAY.UZ мухбири хабар қилди.
Маълум бўлишича, йиғилишда коррупцияга қарши кураш масаласи муҳокама қилинган. Таъкидланишича, пост бошлиғи ва ходимлари 3 март куни Ўзбекистонга ноқонуний 5 миллиард 565 миллион сўмдан ошиқ бўлган товарларнинг киришига йўл қўйган. Ушбу товарлар ичида кийим-кечаклар, пойабзаллар, косметика воситалари, тиббий буюмлар ва бошқалар бўлган.
Улар ушбу ҳаракати орқали давлат бюджетига қарийб 2 миллиард сўмдан ортиқ божхона тўловлари ундирилишига йўл қўймади.
