Фарғона вилоятидаги Олимпия захиралари коллежи бош ҳисобчиси 4,3 млрд сўмни ўзлаштиргани маълум бўлди. Бу ҳақда EVERYDAY.UZ мухбири хабар қилди.
Маълум бўлишича, у 2019-2021 йиллар давомида ушбу пулларни ўзлаштириб олган. Бош ҳисобчи ўзига асоссиз равишда устама ва иш ҳақи ёзиб келган. У олган пулларни онлайн қимор ўйинларига тикиб юборган. У шунингдек, ўқитувчилар номига пластик карта очиб олиб, уларга билдирмасдан давлат бюджетидан 310 млн. сўм ўтказиб олган.
Ушбу ҳолат юзасидан бош ҳисобчи ва бошқаларга ЖКнинг 167 (Ўзлаштириш ёки растрата йўли билан талон-торож қилиш) ва 209 (Мансаб сохтакорлиги) моддалари билан жиноят иши қўзғатилган. Бош ҳисобчи ҳибсга олинган.
