Пойтахт ва Тошкент вилоятида 50 дан ортиқ велосипед ўғирлаган шахс қўлга олинди. Бу ҳақда ҳуқуқ-тартибот идоралари хабар бермоқда.
Ўғри қаровсиз қолдирилган велосипедларни қидириб топиб, олиб кетган. Қўлга олинган шахс велосипедларни дугонаси орқали ўртача 900 минг сўмга сотган.
Кузатув камералари гумонланувчини топишга ёрдам берди. Мазкур ҳолат юзасидан “Ўғирлик” моддаси бўйича жиноят иши қўзғатилган. Қўлга олинган шахс қамоққа олинди, тергов ҳаракатлари олиб борилмоқда.
