“Атлас” савдо марказида арзон акция ҳақида аввалроқ хабар берилган эди. Савдо марказида техникаларга 70%гача чегирмалар ҳақида маълумот тарқатилгандан сўнг у ерда кўплаб одамлар тўпланган.
Кейинроқ ИИББ савдо маркази ёпилгани ва одамлар кўчага чиқариб юборилаётгани ҳақида хабар берди. Шунингдек, келганлар сони ҳаддан ташқари кўп бўлгани учун кўплаб фуқаролар ичкарига киритилмади.
Ижтимоий тармоқларда ҳайдовчилар Чилонзор туманида катта тирбандликлар юзага келгани ҳақида хабар берган видеолар тарқалмоқда. Ҳайдовчиларнинг сўзларига кўра, улар 30 дақиқадан кўпроқ тирбандликда туришган ва манзилига етиб бора олишмаган.
