Урганч туманида яшовчи 27 ёшли Т.А. ажрашганини ва касал қизини даволаш учун пул кераклигини айтган одамга ишонди.
Муқаддам судланган Хоразм вилоятининг Хонқа туманида яшовчи 27 ёшли К.Б. Телеграм ижтимоий тармоғида қиз билан танишиб қолади. Янги танишининг муаммоларини эшитиб, Т.А. ёрдам беришни таклиф қилади ва унга тақинчоқларини беради. Оғирлиги 17,06 грамм бўлган олтин аслида 8 миллион 530 минг сўмга баҳоланган бўлсада, рецидивист фирибгар уни икки баравар арзонга 4 миллион сўмга сотиб юборади. К.Б. қизга заргарлик буюмларини қизининг даволаниши учун қарзга олган шахсга гаровга берганини айтди.
Якунда Т.А. бу ерда бир гап борлигини англаб, ҳуқуқни муҳофаза қилиш органларига мурожаат қилди. Маълум бўлишича, унинг таниши ажрашмаган, уйланган, қизи ҳам йўқ экан. К.Б. икки ўғилнинг отаси, ўғилларнинг ҳеч бири оғир хасталик билан касалланмаган. Эркак заргарлик буюмларини сотишдан тушган пулни ўз эҳтиёжлари учун сарфлаб юборган, деб хабар қилди ИИВ ҳузуридаги Тергов департаменти матбуот хизмати.
Ҳолат бўйича Урганч тумани ИИБ ҳузуридаги тергов гуруҳи томонидан К.Б.га нисбатан ЖКнинг 168-моддаси (фирибгарлик) билан жиноят иши қўзғатилган, тергов ҳаракатлари олиб борилмоқда.
