Самарқанд вилояти Нуробод туманида фуқарони ишга олишни ваъда қилган тез тиббий ёрдам бўлими бошлиғи қўлга олинди, деб хабар берди Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти матбуот хизмати.
Ички ишлар органлари ходимлари ва Бош прокуратура ҳузуридаги Департамент ходимларининг биргаликдаги махсус тезкор тадбири давомида пора олаётган вақтда тез тиббий ёрдам бўлими бошлиғи қўлга олинди. У фуқарони тиббиёт муассасасига 0,75 ставкада патронаж ҳамшираси лавозимига ишга жойлаштиришга ваъда берган. Хизмати учун у 500 АҚШ доллари талаб қилган. У фуқарони танишлари орқали ишга жойлашга ваъда берган.
Мазкур ҳолат юзасидан гумонланувчига нисбатан Ўзбекистон Республикаси Жиноят кодексининг фирибгарлик ва пора беришда иштирок этиш моддалари билан жиноят иши қўзғатилган. Тергов давом этмоқда.
