Давлатимиз раҳбари Самарқанд шаҳри жамоат транспорти тизимини ислоҳ қилиш лойиҳаси билан танишди. Бу ҳақда давлат раҳбари матбуот хизмати хабар берди.
Хусусан, шаҳарда 40 та янги автобус йўналиши ташкил этилади. Улардан 5 таси аэропорт, вокзал ва тарихий шаҳар марказини боғлайдиган экспресс йўналишлар бўлади.
Эски автобуслар ўрнига катта сиғимли янги автобуслар олинади. Марказий кўчаларда автобуслар учун алоҳида йўлаклар ажратилади.
Бундан ташқари, 2022-йилда 80 та электробус харид қилиниши кутилмоқда. 2023 йилда шаҳар учун яна 100 та электробус харид қилинади. Айтиш жоизки, шаҳарда жамоат транспортининг барқарор ишлаши учун 300 та автобус етарли эмас.
