Ўзбекистонда ишлаган хорижлик мураббий: “Наманганда ҳоким қўнғироқ қилиб қайси футболчини ўйнатишни, ҳатто ҳисобни буюртма қиларди”

Ўзбекистонда ишлаган хорижлик мураббий: “Наманганда ҳоким қўнғироқ қилиб қайси футболчини ўйнатишни, ҳатто ҳисобни буюртма қиларди”
Наманганнинг “Навбаҳор” футбол жамоаси собиқ мураббийи Андрей Канчельскис “Матч ТВ”га интервью берди. Интервью давомида россиялик мураббий ўзбек футболи ҳақида ўз фикрларини билдирди.

“Наманганда ҳоким футболга қизиқади. Ҳоким бу биздаги губернаторга ўхшаган лавозим. “Навбаҳор” худди “Пахтакор” ёки “Локомотив” каби катта пулга эга клуб эмас. Бу халқ жамоаси. Мухлислар футболни яхши кўришади ва жуда қизиққон, улар тошбўрон қилишлари ҳам мумкин (кулади). Намангандан ҳеч қайси мураббий яхшиликча кетмаган.

Лекин мен нолисам, уят бўлади. Мени қўлларида кўтариб юришди десам ҳам бўлади. Биз катта натижаларга эришмаган бўлсак-да, топ жамоаларга бошоғриқ бўлишни уддаладик. Жамоа 14 йил ичида илк марта медаль олди.

У ерда ҳоким телефон қилиб “Фалончини ўйнат, фалончини эмас» деб айтиши мумкин. У ҳатто ҳисобни ҳам буюртма қилиб: “Бугун 3:0 ютишимиз керак”, деб айтиши ҳеч гапмас.

У кийиниш хонасига кириб, футболчиларга бақирганди ҳам. Бир ўйиннинг танаффусида у кийиниш хонасига кирди. Ҳисоб 0:0 эди ва 2-бўлимда 3:0 ютдик. Ҳокимнинг айтишича, бу унинг гаплари самараси бўлган. Кейин ҳокимга футболчилар билан ўйиннинг эртасига, юзма-юз гаплашишни тавсия қилдим. Бир-биримизни тушундик. У одам Наманган учун кўп иш қилган, лекин унинг ёрдамчилари...”, — деб Канчельскиснинг сўзларидан иқтибос келтирмоқда “Матч ТВ” расмий сайти.

Манба: "Халқ сўзи"

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Спорт » Ўзбекистонда ишлаган хорижлик мураббий: “Наманганда ҳоким қўнғироқ қилиб қайси футболчини ўйнатишни, ҳатто ҳисобни буюртма қиларди”