Яна бир ўзбекистонлик спортчи UFC билан шартнома имзолади. Заррух Адашев UFCда иштирок этадиган иккинчи ўзбекистонлик спортчи бўлди.
Самарқанд вилоятидан бўлган жангчи UFCдаги илк жангини 13 июнь куни UFC fight night 172 турнири доирасида ўтказади. У америкалик Тайсон Нэмга қарши Лас-Вегасда жанг қилади.
Маълумот ўрнида айтиш мумкинки, Нэм тажрибали спортчи. У UFCнинг февраль ойидаги рейтингида 15 ўринни эгаллаган. Эслатиб ўтамиз, UFCда қатнашган илк ўзбекистонлик спортчи Маҳмуд Муродов бўлган.
