Россиялик мураббий Андрей Канчельскис коронавирусга чалиниб, ҳозирда Тошкентда даволанмоқда. Наманган клубининг мураббийи пойтахтдаги шифохоналардаги аҳвол ҳақида гапирди.
Канчельскис бу ҳақда Спорт Экспресс нашрига берган интервьюси давомида гапирган. Мураббийнинг сўзларига кўра, унинг жамоасида 10 киши коронавирус билан зарарланган.
“Касалланганлар кўп. Мен бепул шифохоналар ҳақида гапирмаяпман. Ҳозир хатто пулга ҳам бўш койкалар топиш қийин. Компьютер томографиясига тушиш учун навбатда туришга тўғри келди. Дўстларим коронавирусга ихтисослашган пуллик клиника топди. Мени бу ерда яхши даволашмоқда. Шифокорлар ўта малакали. КТда ўпкамнинг 20 фоизи зарарлангани маълум бўлди. Шифокор мени вақтида олиб келишганини, акс ҳолда муаммолар бўлиши мумкинлиги ҳақида айтди. Соғайяпман, бир-икки кунда жавоб беришади”, – дейди мураббий.
