Ўзбекистонда келаси йилдан бошлаб сентябрнинг учинчи якшанбасида автомобилда ҳаракатланиш тақиқланади. Бу ҳақда EVERYDAY.UZ мухбири хабар қилди.
Маълум бўлишича, ушбу ташаббус Жисмоний тарбия ва спорт вазирлиги томонидан илгари сурилган. Ташаббус илгари сурилган президент қарори лойиҳаси муҳокамага қўйилган. Унга кўра, эндиликда 2021 йилнинг сентябрь ойининг учинчи якшанба куни “Автомобилсиз кун” деб эълон қилинади. Бунда ўша куни шахсий автомобиллардан фойдаланиш тақиқланади (махсус техникалар, такси ва етказиб бериш ҳамда тиббий тез ёрдам учун хизмат кўрсатадиган техникалар, жамоат транспортлари, зарур ҳолларда фойдаланиладиган шахсий автомобиллар бундан мустасно).
Шунингдек, 2021 йил 1 январдан бошлаб барча ташкилотларда ходимларни спортга жалб этувчи масъул ходим ҳам бўлади. Бунда ўша ходимнинг ойлигига 30 фоиз устама ҳақи қўшилади.
