Одил Аҳмедов: Уммоннинг асосий дарвозабони майдонга тушмаслиги бизга ёрдам бериши мумкин

9-01-2019, 09:47
Спорт
Одил Аҳмедов: Уммоннинг асосий дарвозабони майдонга тушмаслиги бизга ёрдам бериши мумкин
Кеча, 8 январь куни Шаржа шаҳрида Ўзбекистон - Уммон учрашувидан олдин матбуот анжумани бўлиб ўтди. Унда терма жамоамиз бош мураббийи Эктор Купер ва жамоа сардори Одил Аҳмедов қатнашишди.

Дастлаб, Эктор Купер эртанги ўйин ҳақида ўз фикрларини билдириб ўтди.

"Биз Осиё Кубогига тайёрмиз. Нафақат эртанги ўйинга, балки бутун мусобақага жиддий тайёргарлик кўрдик. Биз ижобий натижага эришиш учун астойдил ҳаракат қиламиз. Ҳар икки жамоа ғалаба учун майдонга тушиши аниқ. Уммон ҳам анойи жамоа эмас. Майдонда боримизни бериб тўп сурамиз. Барчаси майдонда ҳал бўлади.

Футболда натижани олдиндан айтиш қийин. Шуниси билан бу спорт тури қизиқ. Мусобақага тайёргарлик давомида биз декабрь ойида ўртоқлик ўйини ўтказмадик. Аммо бу мени ташвишга солмаяпти. Биз етарлича тайёргарлик кўрдик. Жароҳатлар олдини олиш мақсадида ҳам ўртоқлик ўйинлари ўтказмадик.

Терма жамоани қабул қилиб олганимга кўп бўлмади. Аммо ўтган вақт давомида максимал тарзда жамоани шакллантиришга ҳаракат қилдик. Энди ўзимизни кўрсатишимиз керак. Осиё Кубоги бунинг учун яхши имконият"

Шундан кейин терма жамоамиз сардори Одил Аҳмедов ўз фикрларини билдириб ўтди.

"Уммон терма жамоаси дарвозабони Али Ал-Ҳабсий жароҳати туфайли мусобақани ўтказиб юбориши аниқ бўлди. Бу Уммон учун катта йўқотиш. Мен Ал-Ҳабсини яхши танийман. Унинг майдонга тушмаслиги бизга ёрдам бериши мумкин.

Таркибдаги футболчилар жисмоний жиҳатдан ўйинга тайёрлар. Ким тўп билан кўпроқ муомала қилса, ўша ғалаба қозонади. Биз жисмонан яхши тайёргарлик кўрдик, деб ҳисоблайман".
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Тошкентда оммавий қабуллар ҳафталиги бошланди

Президент Халқ қабулхоналарининг Тошкент шаҳрида ўтказаётган оммавий қабуллар ҳафталиги қизғин мулоқотлар билан...
Бугун, 11:24

Мансабдорларни қиммат автомашиналар учун танқид қилган Акмал Бурхоновнинг ўзи қандай автомобилдан фойдаланади?

Коррупцияга қарши курашиш агентлиги раҳбари Акмал Бурхонов мансабдорларни қимматбаҳо автомобиллар харид қилгани учун...
Бугун, 10:44

Шавкат Мирзиёев электр тармоқларида узилишларнинг олдини олиш бўийча топшириқ берди

Кеча, 25 ноябрь куни давлатимиз раҳбари йиғилиш ўтказди. Унда нефть-газ кимё саноатидаги истиқболли лойиҳалар ҳолатига...
Бугун, 09:25

Марадонанинг ўлимига нима сабаб бўлгани маълум қилинди

Собиқ футболчи Диего Марадона оламдан ўтди. ОАВда буюк футболчининг ўлими сабаблари маълум қилинди. Маҳаллий ОАВнинг...
Бугун, 08:55

“Давлат билан ўйнашманглар” – вазир ўринбосари аҳоли билан қўпол гаплашди (ВИДЕО)

Ижтимоий тармоқларда меҳнат вазири ўринбосари Баҳодир Умрзоқов фуқаролар билан қўпол оҳангда гаплашган видеоси...
Бугун, 08:41
/ Муҳокамалар +2