Ўзбекистон футбол ассоциацияси қошидаги миллий терма жамоалар маркази директори Хайдаров миллий жамоани бошқариш ниятида бўлган Кабулов билан унинг ушбу мақсади ҳақида суҳбатлашган. Хайдаровнинг сўзларига кўра шоумен унинг гапларига жавоб бера олмаган ва изоҳдан қочган.
“Шу одамни кўриб қолдим. Мен унга мана шунақа таклифлар берардингиз, мен терма жамоани бошлиғиман, келинг мен сизга бир жамоа берай, терма жамоа эмас, шунчаки бир ёшлар жамоасини бераман, бир машғулот қилдириб кўринг, дедим. Мен унга ушбу жараёнда қатнашиб кўришни таклиф қилдим. Мен унга яна агар мен қўлимга микрофон олиб қўшиқ айтсам, устимдан куласиз, дедим. Мен ҳам худди шунақа, сизни битта машғулотда кўрмоқчиман десам гап топа олмади”, – дейди Хайдаров.
Эслатиб ўтамиз, аввалроқ шоумен жамоани бошқаришга тайёр эканини ва жаҳон чемпионатига олиб чиқишга тайёр эканини айтган. У, шунингдек, агар шундай таклиф тушса ҳазиллашган эдим дея қочиб кетмаслигини, балки шу таклифни қабул қилишини билдирган.
