“Ювентус” спорт директори Элдор Шомуродовнинг трансфери ҳақидаги хабарларга изоҳ берди

Аввалроқ Ўзбекистон миллий терма жамоаси ва Италиянинг Женоа клуби ҳужумчиси Элдор Шомуродовга Туриннинг Ювентус клуби қизиқаётгани ҳақида ёзган эдик. Турин клуби спорт директори Фабио Паратичи ушбу хабарларга изоҳ берди.

Паратичи ҳозирча жамоани кучайтиришни режалаштирмаётганини айтди. Спорт директорининг сўзларига кўра, жамоа ўзида мавжуд футболчилардан кўнгли тўқ.

“Агар биз кимнидир жамоага қўшиб олишни истасак албатта ушбу номзодни кўриб чиқамиз. Лекин, айтганимдек, биз футболчиларни сотиб олишга шошилмаяпмиз”, – дейди Паратичи.