Унга кўра, партиянинг барча ҳудудий кенгашлари Миллий олимпия қўмитаси билан ҳамкорликда аҳолини соғлом турмуш тарзи, спортга жалб қилиш мақсадида жойларда турли спорт мусобақалари, оммавий спорт марафонлари ташкил этилмоқда.
Ана шундай тадбир ЎзЛиДеП Сурхондарё вилоят Кенгаши ҳамда вилоят жисмоний тарбия ва спорт бошқармаси билан биргаликда Денов туманидаги “Шахбозбек” спорт мажмуасида бўлиб ўтди. Унда спортнинг баскетбол тури бўйича қизлар жамоалари туман биринчилиги учун беллашишди. “Спортни сев, спорт билан яша!” шиори остида ўтказилган мусобақа қизғин баҳсларга бой бўлди.
Тадбирда Олий Мажлис Қонунчилик палатаси Спикери ўринбосари, ЎзЛиДеП фракцияси раҳбари, ЎзЛиДеП Сиёсий Кенгаши Ижроия қўмитаси раиси Актам Хаитов ҳам иштирок этди.
Мусобақа якунида А.Хаитов ғолиб жамоани тақдирлаб, уларга келажакда бунданда катта ютуқларни қўлга киритишлари учун тилак билдирди.
ЎзЛиДеП Сурхондарё вилоят Кенгаши
матбуот хизмати
