Ўзбекистон миллий терма жамоасининг қанот ҳужумчиси ўз жамоасини ўзгартирди. Бу ҳақда EVERYDAY.UZ мухбири хабар қилди.
23 ёшли Жасур Яхшибоев Полшанинг “Легия” клубига ўтди. Ушбу трансфер клуб матбуот хизмати томонидан тасдиқланди.
Яхшибоев Белоруснинг “Шахтер” клубидан янги жамоага ўтди. Transfermarkt футболчининг нархини 750 минг евро деб баҳоламоқда. Трансферинг молиявий тафсилотлари маълум қилинмади. Таъкидлаш жоиз, “Легия” Полша чемпиони ҳисобланади. Жамоа бу йил турнир жадвалида 2-ўринда кетмоқда.
