Аввалроқ ўзбекистонлик 18 ёшли футболчи Жасур Жалолиддинов Москванинг Локомотив жамоаси билан шартномани узгани ҳақида ёзган эдик.
Футболчи ўтган йили Локомотивга ўтган эди. Лекин у москваликлар сафида жой топа олмади ва кейинчалик Тамбовга ижара асосида бериб юборилган эди.
Тамбов ўз навбатида молиявий қийинчиликлар сабаб Жасурдан воз кечишга мажбур бўлди. Шундай қилиб Жасурнинг Россиядаги фаолиятига нуқта қўйилди. Мавжуд маълумотларга кўра, Жасур Андижон клуби билан шартнома имзолаган.
Таъкидлаш жоиз, 18 ёшли футболчи Ўзбекистоннинг энг истеъдодли спортчиларидан бири ҳисобланади. У 2019 йилда дунёнинг энг талантли ёш футболчилари 60 талигидан жой олган эди. Жасур илк бор Ўзбекистон чемпионатида 16 ёшида Бунёдкор сафида Қўқон-1912га қарши майдонга тушган эди.
