Хабарингиз бор шу йил ёзда Токиода Олимпия ва Паралимпия ўйинлари бўлиб ўтади. Давлатимиз раҳбарига ушбу ўйинларда ғолиб бўлганларга қанча пул берилиши бўйича тақдимот қилинди.
Маълум қилинишича, Олимпия ва Паралимпия ўйинларига йўлланма олганларга, тренерларга — 50 млн сўм, спортчиларга — 100 млн сўм миқдорда бир марталик пул мукофоти берилади. Шунингдек, ушбу ўйинларда ғолиб бўлганлар ва совриндорларга қуйидагича пул мукофоти берилади.
• Олтин медаль олганларга — $200 минг;
• Кумуш медаль олганларга — $100 минг;
• Бронза медаль олганларга — $50 минг берилади.
Маълумот ўрнида, ҳозиргача мамлакатимиздан Олимпиада ўйинларига 41 та йўлланма (13 та спорт тури бўйича) ва Паралимпия ўйинларига 16 та йўлланма (5 та спорт тури бўйича) қўлга киритилган. Май-июль ойларида Олимпиадага яна 32 та (9 та спорт тури бўйича), Паралимпияга эса 30 та (6 та спорт тури бўйича) йўлланма олиш имконияти мавжуд. Эслатиб ўтамиз, 2016 йилдаги Олимпия ўйинларида ғолиб бўлганларга, олтин, кумуш ва бронза медали учун мос равишда 200 минг, 100 минг, 75 минг доллар билан тақдирланган эди.
