Мадриднинг Реал клубига янги мураббий тайинланди. Бу ҳақда футбол клуби матбуот хизмати хабар қилди.
Маълум бўлишича, жамоанинг бош мураббийлигига Карло Анчелотти тайинланган. У ушбу лавозимда Зинедин Зиданни алмаштирди. Зидан 27 майда жамоани тарк этган эди.
Шу муносабат билан Анчелотти Англиянинг Эвертон клубини тарк этди. У ушбу жамоада 2019 йилнинг декабрь ойидан буён ишлаб келаётган эди. Жамоа бу йил чемпионатни 10-ўрин билан якунлаган.
Таъкидлаш жоиз, аввалроқ Карло Анчелотти 2013-2015 йилларда ҳам “Реал”да ишлаган эди.
