Ўзбекистон терма жамоаси ҳужумчиси Элдор Шомуродов жамоасини ўзгартириши мумкин. Бу ҳақда инсайдер Николо Скира маълумот берди.
Журналистнинг маълум қилишича, Ювентус Женоа билан ўзбек футболчисининг трансфери юзасидан музокара ўтказмоқда. Ювентус раҳбарияти Шомуродов сўнгги вақтда яхши ўйин кўрсата олмаётган Альваро Моратога яхшигина рақобатчи бўла олади дея ҳисобламоқда.
Таъкидлаш жоиз, ўзбекистонлик 25 ёшли футболчи Женоа таркибида Италия чемпионатида 31 та ўйин ўтказди. Шомуродов ушбу ўйинларда 8 та гол урди ва битта голли пасни амалга оширди.
