Ўзбекистонлик спортчилар Токио-2020’да бизни хурсанд қилишда давом этмоқда. Аввалроқ спортчи Улуғбек Рашитов Таэквондо бўйича -68 кг вазн тоифасида иштирок этиб, олтин медални қўлга киритган эди.
Маълум бўлишича, бугун яна бир спортчимиз совриндор бўлган. Дзюдо бўйича эркаклар ўртасидаги -90 кг вазн тоифасида Давлат Бобонов иштирок этиб, бронза медалини қўлга киритган.
У сўнгги баҳсда туркиялик Михаэл Зганкни мағлуб этган. Ҳозирча спортчиларимиз битта олтин ва битта бронза олиб, умумий ҳисобда 24 ўринга кўтарилиб олди.
