Эктор Купер Уругвайга қарши ўйинга яхши тайёргарлик кўра олмаганини тан олди

Эктор Купер Уругвайга қарши ўйинга яхши тайёргарлик кўра олмаганини тан олди
Наннинг шаҳридаги «Guanxi Sports Centre» стадионида «China Cup-2019» мусобақаси олдидан матбуот анжумани ташкил қилинди. Матбуот анжуманида миллий терма жамоамиз бош мураббийи Эктор Купер ва терма жамоамиз ҳужумчиси Элдор Шомуродов қатнашди. Аргентиналик мураббий мусобақага тайёрланиш учун етарлича вақт бўлмаганини таъкидлади. Эслатиб ўтамиз, Ўзбекистон миллий жамоаси эртага Уругвай миллий жамоасига қарши майдонга тушади.

— Бу ерда бўлиб турганимдан хурсандман. «China Cup» жуда яхши мусобақа. Бу мусобақада кучли жамоалар иштирок этишади. Уларга қарши ўйнаш биз учун фойдали бўлиши шубҳасиз. Биз мазкур мусобақа орқали Жаҳон чемпионати саралашига тайёргарлик кўрамиз. Бу мусобақага тайёрланиш учун кўп вақт бўлмади. Кеча келдик. Ҳозирча битта машғулот ўтказдик. Шунга қарамай, мусобақа давомида ўзимизнинг энг яхши ўйинимизни кўрсатишга ҳаракат қиламиз.

Элдор Шомуродов: «Бизни Хитойда жуда яхши кутиб олишди. Бунинг учун ташкилотчиларга катта раҳмат. Наннинг янги шаҳар экан. Жуда чиройли. Шаҳар менга ёқди, менда яхши таассурот қолдирди».

Эктор Купер: «Осиё Кубоги билан солиштирганда бизнинг таркибимизда катта ўзгаришлар йўқ. Деярли ўша таркиб билан Хитойга ташриф буюрдик. «China Cup» мусобақасида Осиё Кубогидаги каби ўйин намойиш қилишга ҳаракат қиламиз. Ҳар бир учрашувда ғалаба қозониш учун майдонга тушамиз. Мен Хитойга биринчи бор келишим. Аввал бу мамлакатда бўлмаганман. Шу сабабли жамоам билан ёрқин ўйин намойиш қилишга ҳаракат қиламиз. Аммо биз учун энг муҳими Жаҳон чемпионатига йўлланмани қўлга киритиш. Мазкур мусобақаларга ўхшаш турнирлар орқали мундиал саралашига тайёргарлик кўрамиз.

Фабио Каннаваро айни пайтда Хитой терма жамоасини бошқариб бораётганини биламан. У 15 йил олдин Миланнинг «Интер» таркибида ўйнаганди. У жуда яхши футболчи. Тартибли ўйин намойиш қиларди. У мураббий сифатида анча тажриба тўплагани аниқ. Футболчилардан ҳам тартиб интизомга амал қилишни талаб қилиши табиий. Мен Каннаварога мураббийлик фаолиятида омад тилайман.

У буюк мураббий бўлиб етишишига ишонаман. Унда бунинг учун барча жиҳатлар мавжуд. Агар майдонда мураббий сифатида учрашадиган бўлсак, мен Каннаварони мағлубиятга учратишга ҳаракат қиламан.

Жаҳон чемпионати иштирокчилари сонини ошириш жуда яхши ғоя. Бу фақат Ўзбекистон ёки Хитой учун эмас, барча Осиёдаги терма жамоалар учун жуда яхши имконият. Мен бу ғояни қўллаб қувватлайман. Бу ҳолат бутун дунёда футбол ривожига ҳисса қўшиши аниқ», - деди Купер.

Ўхшаш янгиликлар

  1. Arslonbek Sobirov 22 март 2019 09:43
    Yana atala qilishadi gaplaridan
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Аҳад Қаюм: “Мен Ўрта Осиёдаги энг зўр продюссер ва режиссерман. Фильмлардаги гонорарим 500 млн сўм”

Продюссер ва режиссер Аҳад Қаюм ўзини Ўрта Осиёдаги энг зўри деб билишини маълум қилди. “Кўп гапларимни пиар деб ўйлашяпти. Одамлар шахсий...
Бугун, 11:37
1

Ўзбекистонда ҳокимларнинг даволаниш бўйича олган таътилига қанча пул кетгани маълум бўлди

Жорий йил бошидан бошлаб кўплаб вилоят ҳокимлари тиббий кўрикдан ўтиш мақсадида 10 кунлик таътил олди. Энди уларнинг мана шу “отпуск”ларига...
Бугун, 10:52

Шавкат Мирзиёев бир ҳафта ичида ҳоким ва вазир ишдан олинишини маълум қилди

Хабар қилинганидек кеча давлат раҳбари раислигида йиғилиш бўлиб ўтди. Унда ёшлар масалалари атрофлича муҳокама қилинди. Шавкат Мирзиёев...
Бугун, 10:36

Видео: Тошкентда тўй бериб қарзга ботиб қолган йигит банкоматларни ўмарди

Тошкентда банкоматларни ўмарган йигит қўлга олинди. Бу ҳақда ҳуқуқ тартибот органлари хабар қилди. Маълум бўлишича, Тошкентда 27 ёшли йигит...
Бугун, 09:25

“Одамларимизнинг фаровон яшаши учун сувга, ‘свет’га шунча қарз олинди. Аммо ҳамма жойда ўғрилик, ҳамма жойда коррупция” – Президент

Ўзбекистон Президенти Шавкат Мирзиёев кеча бўлиб ўтган йиғилишда коррупция масаласига алоҳида тўхталиб ўтди. Бу ҳақда Дарё нашри хабар...
Бугун, 09:02
Ўзбекистон янгиликлари » Спорт » Эктор Купер Уругвайга қарши ўйинга яхши тайёргарлик кўра олмаганини тан олди