“Менда Моуринью билан мулоқотда айрим муаммолар бор” – Шомуродов

Аввалроқ Ўзбекистон терма жамоаси ҳужумчиси Италиянинг Рома клуби таркибида навбатдаги голини ургани ҳақида ёзган эдик. Бу Элдорнинг расмий ўйиндаги илк голи. Туркиянинг Трабзонспор жамоасига қарши ўйин конференциялар лигаси доирасида бўлиб ўтган эди.

Ўйиндан сўнг Шомуродов ўз уйини юзасидан фикр билдирди. Футболчи янги жамоада тўп сураётганидан хурсандлигини билдирган.

Мен бахтлиман. Мен урган гол клуб учун жуда муҳим эди. Бош мураббий Жозе Моуринью билан мулоқотда айрим муаммолар бор. Мен италян тилини унча яхши билмайман ва бу муаммо. Лекин, ўйин давомида бир-биримизни тушунамиз, – дейди Шомуродов.