Ўзбекистонлик ёш футзалчилар Афғонистонга йирик ҳисобда мағлуб бўлди. Бу ҳақда EVERYDAY.UZ мухбири хабар қилди.
Маълум бўлишича, Қирғизистоннинг Бишкек шаҳрида футзал бўйича CAFA U-19 championship бўлиб ўтмоқда. Ушбу мусобақа доирасида 3-тур ўйинларида ўзбекистонлик футзалчилар Афғонистонга қарши баҳс олиб борди.
Маълум қилинишича, Фурқат Хайруллоев шогирдлари ушбу ўйинда 1:8 ҳисобида мағлуб бўлган. Ҳамюртларимиз кейинги ўйинни 19 февраль куни Эронга қарши ўтказади.
Маълумот ўрнида, ёшларимиз аввалги икки турда Тожикистонни мағлуб (3:1) этган бўлса, Қирғизистондан (3:5) мағлуб бўлган.
