Россия—Беларусь чегарасида Ўзбекистонга тегишли юк автомобиллари тўпланиб қолди

Россия—Беларусь чегарасида Ўзбекистонга тегишли юк автомобиллари тўпланиб қолди
Бунга Россия Федерацияси томонидан юк машиналарининг Россия ва Беларусь чегарасидан ўтишида янги тартиб жорий этилгани сабаб бўлгани айтилмоқда.

Транспорт вазирлиги матбуот хизматининг маълум қилишича, 2024 йил январь ойидан бошлаб, Беларусь—Россия чегарасидаги “Красная горка”, “Рудня”, “Красный камен” назорат пунктларидан учинчи давлат фуқароларининг ўтиши чекланди.

Янги тартибга мувофиқ, икки давлат чегарасидан фақат Россия Федерацияси ва Беларусь Республикаси фуқаролари эркин ўтиши (кириш ва чиқиш) мумкин.

Таъкидланишича, ушбу тартиб автотранспортда халқаро юк ташувларини амалга ошираётган ҳайдовчиларга ҳам тегишли.

Учинчи давлат (шу жумладан ЁОИИга аъзо давлатлар) фуқаролари бўлган халқаро юк ташувлари фаолияти билан шуғулланувчи ҳайдовчилар Россия Федерациясига кириши ва мамлакатни фақат халқаро чегара-назорат пунктлари орқали тарк этиши мумкин.

Янги тартибнинг жорий этилиши ортидан учинчи давлат, хусусан, Ўзбекистон фуқаролари бошқарувида бўлган юк машиналарининг Россия-Беларусь чегарасида тўпланиб қолиш ҳолати кузатилди.

Юзага келган мазкур ҳолат Ўзбекистон ва Беларусь Республикаси ҳамда Россия Федерацияси транспорт вазирликлари раҳбарияти даражасида муҳокама этилди.

Ўзбекистон Республикаси Транспорт вазирлиги раҳбарияти томонидан ушбу ҳолатда миллий ташувчиларимиз манфаатларини инобатга олган ҳолда Ҳукумат даражасида ечим топиш юзасидан дипломатик каналлар орқали музокаралар олиб бориляпти, деб хабар беради Транспорт вазирлиги матбуот хизмати.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Echki suti sigir sutidan foydali(mi?)

Jahon bo‘yicha yetishtirilayotgan sutning atiga 2,6 fozini echki suti tashkil qiladi. Ayrim mamlakatlarda sut mahsulotlarining deyarli...
Бугун, 00:13

Jar yoqasidagi ekologiya

Jahon sog‘liqni saqlash tashkilotining maʼlumotlariga ko‘ra, taxminan 7 million bevaqt o‘lim holatlariga atmosfera va xonalar havosi...
Бугун, 00:11

Jigar hujayralarini tiklovchi o’simlik haqida bilasizmi?

O‘zbekiston uchun noan’anaviy bo‘lgan qimmatbaho o‘simlik. Undan oziq-ovqat va farmasevtika sanoati uchun xomashyo tayyorlash maqsadida...
Бугун, 00:10

Eng foydali parhez taom qaysi go‘shtdan tayyorlanadi…

Ushbu jonzotning go‘shti o‘zining kimyoviy, morfo-biokimyoviy va texnologik sifatlari, biologik qiymati bilan boshqa hayvonlar go‘shtidan...
Бугун, 00:09

Buyrak kasalligini davolovchi o’simlikni bilasizmi?

U dorivor o’simlik bo’lib, buta, oziq-ovqat sifatida ham ishlatiladi. Qadimgi Xitoy tabobatida yurak xastaligi, buyrak va buyrak tosh...
Бугун, 00:07
Ўзбекистон янгиликлари » Жаҳон » Россия—Беларусь чегарасида Ўзбекистонга тегишли юк автомобиллари тўпланиб қолди