Қозон шаҳри ҳокими Ильсур Метшин Сиёсий кенгаш ходимлари ва шаҳар Думаси депутатларига май ойи давомида мактаб ошхоналарида тушлик қилиш бўйича топшириқ берди. Ҳозирда 5-11 синф ўқувчилари таҳсил оладиган мактаблардаги тушлик 69 рублни ташкил қилади.
"Биз оддий йўл тутамиз: барча 162 мактабни ўзаро бўлишиб оламиз ва бутун май ойи давомида душанбадан шанбага қадар мактаб ошхоналарида тушлик қиламиз. Ҳар бир ходим чўнтагида 69 рубл билан огоҳлантирмасдан келамиз ва тушлик қиламиз. Менга назоратчи керак эмас. Биз қаерда муаммо борлигини, қаерда жой етишмаётганини, қаерда қандай қонун бузилишлар бўлаётганини аниқлашимиз керак", - деди Ильсур Метшин ҳокимлик йиғилишида.
Ҳоким мактаб ошхоналарида муаммолар борлигини таъкидлади ва барчадан ушбу йўналишдаги ишни кучайтиришни талаб қилди. Шунингдек, у ёзги таътил давомида барча муаммолар ҳал этилишига умид билдирди.
