Адолат ва Тараққиёт партияси депутати Ширин Уналнинг уйида 1 йилдан бери ишлаб келаётган 23 ёшли Нодира Қодирова тўппонча билан жонига қасд қилди.
Адолат ва Тараққиёт партиясининг Истанбулдаги депутати, истеъфодаги генерал Ширин Уналнинг уйида бир йилдан бери ишлаб келган ўзбекистонлик қиз кеча тонгда жонига қасд қилган.
23 ёшли Нодира Қодирова воқеадан бир кун аввал дугонаси Лайлога “Жуда ёмон ишлар бўляпти. Акамни юзига қандай қарайман? Ўлишни хоҳлайман” дегани ўрганилди.
Бошқа турк ОАВга кўра, депутатнинг уйида Нодирадан ташқари уй бекасига қарайдиган бошқа бир ўзбекистонлик борлиги маълум бўлди.
Қодированинг жонига қасд қилиши бўйича унинг акаси Муҳаммадали Қодиров “синглимни жонига қасд қилишига бирорта сабаб йўқ эди”, деган.
Келаётган кунларда университетга кириш учун курсларга бормоқчи эди. Билишимча, Нодира соат 08:48да депутат Уналнинг тўппончасига билан юрагига ўқ узган. Билкент шифохонасига ётқизилган Нодирани шифокорлар қутқариб қололмаган. Ҳужжатга кўра, соат 09:50да ўлим содир этилган. Синглим 4 йилдан бери Туркияда яшайди. Ҳеч қандай муаммоси йўқ эди. Унинг жонига қасд қилиши бизни ҳам ҳайрон қолдирди. Шу билан бирга депутатнинг аралашуви билан иш тезда босди-босди қилинган. Бугун соат 22:00да ўлигини ватанимизга олиб кетамиз”, деган Муҳаммадали Қодиров.
Марҳуманинг акаси воқеа бўйича шубҳалари борлигини ва Адли Типдаги ишларнинг тезда бажарилгани ва уларга жонига қасд қилганлиги бўйича ҳеч қандай маълумот берилмаганини айтди.
Депутат Ширин Унал уйда эканлиги вақтида қасд қилиш содир бўлгани маълум бўлди. Депутат воқеа бўйича изоҳ беришни хоҳламади.
