Ўзбекистон фуқароси Шохиста Каримова Петербург метросидаги теракт сабаб 20 йилга қамалиши мумкин. Иш судда кўрилмоқда.
Давлат айбловчиси Шохиста Каримовага нисбатан 20 йил қамоқ ва 1 млн рубль миқдорида жарима тўлаш жазосини қўллашни сўрамоқда. Каримова ва яна 10 нафар гумонланувчилар бу ишда айбларини тан олмаяпти. Улар теракт уюштиришгинини тан олишга мажбур қилинганини айтмоқда.
Эслатиб ўтамиз, теракт 2017 йил апрел ойида содир бўлган. Унинг натижасида 15 киши вафот этган ва 67 нафари жароҳатланган.
