Ўзбекистон фуқароси Беларусь ва Литва чегарасида қўлга олинди. Бу ҳақда EVERYDAY.UZ мухбири Литва давлат чегараси қўриқлаш хизмати ахборотига таяниб хабар қилди.
Маълум бўлишича, ўзбекистонлик 37 ёшли фуқаро Беларусдан Литвага ичидан фольга билан қопланган махсус кийимда, орқачасига юриб ўтган. Унинг ушбу ҳаракати видеокамераларга муҳрланиб қолган. У чегарачиларни чалғитмоқчи бўлган. Яъни Литвадан Беларусга ўтилганидек таассурот қолдиришни режалаштирган.
Кинологлар дарҳол воқеа жоийга етиб келган ва Белгия овчаркаси қонунбузар кийимларини қаерга яширганини топган. Кейинроқ эса айбдор ҳам топилган. У фольгага оралган кийим орқали “тепловизор”ни чалғитмоқчи бўлган.
Ҳодиса юзасидан ҳозирда текширув ишлари олиб борилмоқда. Қонунбузарга жарима, қамоққа олиш ёки 2 йил озодликдан маҳрум қилиш жазоси тайинланиши мумкин.
