10 декабрь куни Ўзбекистонда туғилган Элмар Муртазаев дунёнинг нуфузли иқтисодий нашрларидан бири – "Forbes Россия" журналига бош директор этиб тайинлангани хабар қилинди.
Бунгача у ушбу журнал бош муҳаррири бўлиб ишлаган. Олдинроқ эса "Forbes"нинг Латвия-Эстония версиясини бошқарган.
Элмар Муртазаев 1972 йилда Ўзбекистонда туғилган. Тошкент давлат университетининг (ҳозирги ЎзМУ) журналистика факультетини тамомлаган. Журналистлик фаолиятини Ўзбекистонда бошлаган, кейин эса Россияга кўчиб кетган.
Россияда "Сегодня", "Известия", "Русский телеграф" газеталари, "Свобода" радиоси, "Dow Jones" агентлиги, "Компания" журнали, шунингдек, бир қатор марказий сайтларда муҳаррирлик, мухбирлик ва колумнистлик қилган.
