Ўзбекистон фуқароси россиялик блогер Гусейн Гасанов томонидан ташкил этилган танловда "Hummer" автомашинасини ютиб олди. Машҳур блогер инстаграмдаги саҳифасига аъзо бўлган фойдаланувчилар орасида танлов ташкил этиб, автомобилни ютуққа қўйди.
Конкурсда қатнашиш учун фойдаланувчи блогер аъзо бўлган ҳомий аккаунтларга аъзо бўлиши керак эди. Гасанов ғолибни жонли мулоқот вақтида тасодифий танловга асосан белгилади.
Ҳасан исмли ўзбекистонлик йигит ушбу танловда ғолиб бўлди ва қизил рангли "Hummer"ни блогердан қабул қилиб олди. Гасанов ватандошимизга автомобиль топшириш маросимидаги видеолавҳани эълон қилди.
