Қирғизистоннинг собиқ бош вазирига суд ҳукми ўқилди. Бу ҳақда Гаезта.уз нашри хабар қилди.
Маълум бўлишича, 2017-2018 йиллар давомида Қирғизистоннинг бош вазири лавозимида ишлаган Сапар Исоқов 18 йилга озодликдан маҳрум қилинган. У Бишкекдаги Давлат тарихи музейи ва Чўпон-Ота шаҳридаги ипподромни реконструкция қилишда коррупцияга йўл қўйганликда айбдор деб топилган. Исоқов жазони қаттиқ тартибли колонияда ўтайди.
Шу билан бирга собиқ бош вазирга 247,6 млн сом (тахминан 3,3 млн доллар) жарима солинди.
Маълумот ўрнида, Исоқов собиқ президент Алмазбек Атамбаев даврида бош вазир бўлган. Аввалроқ Қирғизистон президенти аппаратининг директори ўринбосари ва кадрлар раҳбари лавозимларида фаолият юритган.
