Тожикистон президентлигига биринчи номзод маълум бўлди. Бу ҳақда Спутник нашри хабар қилди.
Маълум бўлишича, Тожикистон Аграр партиясининг йиғилиши бўлиб ўтган. Унда партиянинг ҳудудий бўлинмаларидан 130 га яқин вакиллар иштирок этган. Йиғилишда партия номидан сайловда иштирок этадиган номзод сайланган. Сайловда Рустам Латифзода ушбу партиядан иштирок этади. Латифзода Аграр партиясининг раиси ҳисобланади.
У 1960 йил 27 ноябрь куни Тожикистоннинг Хатлон вилоятида туғилган. Латифзода дастлаб Тожикиситон аграр университетини тамомлаб, кейинчалик Санкт-Петербург тоғ институтида таҳсил олган. 2014 йилдан бери партия раҳбари сифатида фаолият юритиб келмоқда.
Эслатиб ўтамиз, Тожикистонда президентлик сайловлари шу йил 11 октябрда бўлиб ўтади.
