Қирғизистон президенти Сооронбай Жээнбеков ҳукуматни истеъфога чиқариш тўғрисидаги фармонни имзолади. Бу ҳақда президент матбуот хизмати хабар қилди.
Маълум бўлишича, президент бош вазир Кубатбек Боронов ва ҳукумат таркибини истеъфога чиқариш бўйича ҳужжатни имзолаган. Ушбу ҳужжат мамлакат Конституциясининг тегишли моддасига биноан қабул қилинган. Шу орқали ҳукумат тарқатиб юборилди.
Эндиликда, бош вазир, унинг биринчи ўринбосари, бош вазир ўринбосарлари, ҳукумат аъзолари янги таркиб тасдиқлангунга қадар вақтинча ўз вазифаларини бажариб туради.
