“Мен Қирғизистон тарихида ўз фуқароларига ўқ узган ва қон тўккан президент бўлиб қолишни хоҳламайман” – Жээнбеков

“Мен Қирғизистон тарихида ўз фуқароларига ўқ узган ва қон тўккан президент бўлиб қолишни хоҳламайман” – Жээнбеков
Қирғизистон президенти Сооронбай Жээнбеков бугун мамлакатдаги ижтимоий-сиёсий вазиятдан келиб чиқиб, қирғизистонликларга мурожаат қилди.

Унинг сўзларига кўра, мамлакатда, хусусан Бишкек шаҳрида вазият таранглигича қолмоқда.

“Кеча Жогорку Кенеш ҳукумат таркибини тасдиқлади. Мен тайинловлар юзасидан Қирғизистон Республикаси президентининг фармонини имзоладим. Лекин бу вазиятни барқарорлаштирмади. Бахтга қарши агрессия ҳали сўнмади. Кўчада менинг истеъфоимни талаб қилиш ҳали тўхтамади. Ҳозирги вазият икки томонлама конфликтга олиб боради”, – деди Сооронбай Жээнбеков.

У бир томондан – норози инсонлар, бошқа томондан – ҳуқуқни муҳофаза қилувчи органлар тўқнашиши мумкинлигини айтди. “Ҳарбийлар ва ҳуқуқни муҳофаза қилувчилар давлат қароргоҳини ҳимоя қилиш учун қурол ишлатишга мажбур бўлади. Бундай ҳолатда қон тўкилади. Мен икки томонни ҳам провокацияга берилмасликка чақираман. Мен учун Қирғизистонда тинчлик бўлиши, ҳудудий яхлитлик, халқимиз бирлиги ва осойишталиги ҳамма нарсадан устун. Ҳар бир ватандошимнинг ҳаёти мен учун ҳамма нарсадан устун”, – дея таъкидлади у.

“Мен ҳокимиятга ёпишиб олмайман. Қирғизистон тарихида ўз фуқароларига ўқ узган ва қон тўккан президент бўлиб қолишни хоҳламайман. Шунинг учун истеъфога чиқишга қарор қилдим”, – дейди Сооронбай Жээнбеков.

У Жапаров ва бошқа сиёсатчилардан мамлакат пойтахтидан ўз тарафдорларини олиб кетишни ва бишкекликларга тинч ҳаётни қайтаришни сўради.

Ўхшаш янгиликлар

  1. ИЛХОМЖОН 15 октябр 2020 16:51
    Нимагадир шама киптими,лекин тугри айтибди халкини улдиргандан узи кетгани яхши.
  2. Реалист 15 октябр 2020 16:24
    Қойилман,ҳақиқий ИНСОН экан,тахтга ёпишиб олган диктатор президентларга сабоқ берибди.
    Ўзи шундай бўлиши керак,халқ ишончини оқламадингми,кет канадек ёпишиб олмасдан.
    Бизда янаги йилда сайлов,
    кўрамиз,нима ҳунар кўрсатаркин.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Қашқадарёдаги ЙТҲда 4 киши Ласетти ичида тириклайин ёниб кетди

Қашқадарё вилояти Деҳқонобод туманида Ласетти ва Исузу юк автомашинаси иштирокида ЙТҲ содир бўлди. Бу ҳақда EVERYDAY.UZ мухбири хабар...
Бугун, 18:41

Америкалик қиз андижонлик йигитга турмушга чиқиш учун Ўзбекистон фуқаролигини қабул қилди

Америкалик қиз Ўзбекистон фуқароси бўлди. Бу ҳақда EVERYDAY.UZ мухбири хабар қилди. Маълум бўлишича, андижонлик Саидмурод Набибуллаев...
Бугун, 18:17

Видео: Фарғона водийсида поезд рельсда ётган маст фуқаронинг устидан ўтиб кетди. Эркак бахтли тасодиф сабаб омон қолди

Фарғона водийсида шу йил 4 август куни поезд рельсда ётган фуқаронинг устидан ўтиб кетди. Бу ҳақда EVERYDAY.UZ мухбири хабар қилди. Фуқаро...
Бугун, 17:42

Ўзбекистон Президенти Туркманистонга жўнаб кетди

Давлатимиз раҳбари Шавкат Мирзиёев бугун, 5 август куни Гурбангули Бердимуҳамедовнинг таклифига биноан Туркманбоши шаҳрига жўнаб кетди. Бу...
Бугун, 16:59

Видео: “5 минг долларлик бриллиант сирғалар олиб беролмасдим” – Йигитали Райҳон билан ажрашиш сабабини айтди

Актёр Йигитали Мамажонов Ютюбдаги Интервью ТВ лойиҳаси учун интервью берди. Актёр интервью давомида хонанда Райҳон билан бўлган муносабати...
Бугун, 15:43
Ўзбекистон янгиликлари » Жаҳон » “Мен Қирғизистон тарихида ўз фуқароларига ўқ узган ва қон тўккан президент бўлиб қолишни хоҳламайман” – Жээнбеков