Аввалроқ россиялик рэпер Моргенштерн Ўзбекистонга Mercedes-Benz’ни олиб келиш учун ҳомий қидираётгани ҳақида хабар қилинган эди. Бугун ушбу ҳодиса юзасидан янги тафсилотлар маълум бўлди.
Маълум қилинишича, рэпер ўзбекистонлик ғолибга автомобилни 2021 йилнинг январига қадар олиб келади. Ҳозирча бож пулларини тўлашга ҳомий топилмаган. Лекин, шу пайтгача ҳомий топилмаса, хонанданинг ўзи барча пулларни тўлайди.
Эслатиб ўтамиз, россиялик хонанданинг конкурсида Бухоро вилоятида яшовчи фуқаро ғолиб бўлган эди. Конкурсдан аввал рэпер ким ғолиб бўлса ҳам ютуқни дунёнинг исталган нуқтасига олиб боришга ваъда берган эди.
