Россияда бир оиланинг 4 нафар аъзоси ўлдириб кетилди. Бу ҳақда Россия ОАВсида хабарлар тарқалди.
Маълум бўлишича, ҳодиса 28 февраль куни Нижний Новгород яқинидаги уйда содир бўлган. Оилада беш ёшли бола ва унинг онаси, бувиси, бобоси ўлдириган. Қатор ОАВда ушбу жиноятни ўзбекистонлик муҳожир содир этгани айтилмоқда. Муҳожир ўша оилада ишчи бўлиб фаолият юритгани маълум қилинди. Эркак оилада ўғрилик содир этиш учун ушбу ишга қўл урган. У дастлаб гаражда ишлаётган 64 ёшли пенсиянерга ҳужум қилган, кейин уйдаги 63 ёшли аёлга ташланган ва унга пичоқ билан жароҳат етказган. Кейин 41 ёшли келинини ва унинг 5 ёшли ўғлини ўлдирган. Шу оиланинг икки нафар аъзоси тўнғич қиз ва унинг отаси ҳодиса содир бўлган вақтда уйда бўлмагани учун омон қолган.
Россия Тергов қўмитасининг хабар қилишича, ушбу иш доирасида 26 ёшли эркак гумонланмоқда ва у Владимир вилоятида қўлга олинган. Ҳодиса юзасидан Россия ЖКнинг 105-модда (икки ёки ундан ортиқ кишининг ўлдирилиши) 2-қисми «а» банди билан жиноят иши қўзғатилган.
