Жириновский Афғонистондаги вазиятдан келиб чиқиб Россия учта сценарий бўйича ҳаракат қилиши мумкинлигини айтди. Партия раҳбари биринчи сценарийга кўра Афғонистонни бир неча қисмга бўлиб, барча миллат вакиллари ҳамда сиёсий кучларга ҳокимиятни бериш керак деб ҳисобламоқда. Иккинчисига кўра эса, Россия Марказий Осиё давлатларига ёрдам бериши керак. Учинчисига кўра Россия Афғонистондаги вазиятга эътибор қаратмайди.
Ўшанда турли гуруҳлар Марказий Осиё давлатларига кириб келади ва биз бунга аралашмаймиз. Вақт ўтиши билан МО давлатлари раҳбарлари мамлакатдан қочиб Москва ёки Саратовга келади. Улар биздан давлатларини Россия таркибига губерния сифатида киритишни сўрайди. Биз ўшандагина МОни экстремистлардан тозалаймиз. Бизда ўша вақтда Россия таркибида Душанбе, Бишкек, Тошкент, Ашҳобод ва Чимкент губерниялари пайдо бўлади. МОда ҳеч қанақа республика ва президентлар бўлмайди, – дейди Жириновский.
