Қозоғистоннинг Олмаота вилоятида автобус ва Mercedes-Benz E-Class автомашинаси тўқнашиб кетди. Бу ҳақда Қозоғистон ОАВсида хабарлар тарқалди.
Маълум бўлишича, ҳодисага йўлнинг музлагани сабаб бўлган. Mercedes ҳайдовчиси бошқарувни йўқотиши оқибатида қарама-қарши йўлга чиқиб кетган ва автобус билан тўқнашган. Натижада автобус енгил автомашина устига ағдарилган. Таъкидланишича, Mercedes ичида 6 киши бўлган. Уларнинг 3 нафари воқеа жойида ҳалок бўлган. 3 нафари эса жароҳат олган.
Аниқланишича, автобус ичида ўзбекистонликлар бўлган. Ҳолат бўйича суриштирув ишлари олиб борилмоқда.
