2021 йилнинг илк ойида UzAuto Motors 2020 йил январь ойида ишлаб чиқарилган автомобиллар сонидан 16765та машина кам ишлаб чиқарди. Ўтган ойда компания 5235 та автомобиль ишлаб чиқарди, дея хабар қилди Давстатқўм.
Ўзбекистонда автомобиль ишлаб чиқариш 4,2 мартага камайди. Ўтган йилнинг мазкур даврида 22 минг автомобиль ишлаб чиқарилган. Маълумотларга кўра, 2021 йилнинг январь ойида 101та Кобальт, 88 та Нексия, 2та Жентра, 4335та Дамас, 39та Спарк ва 670та Лабо ишлаб чиқарилган.
Эслатиб ўтамиз, аввалроқ заводни модернизация қилиш учун автомобиль ишлаб чиқариш тўхтатилгани ва кейинчалик Спарк, Нексия, Кобальт ва Ласетти автомобилларини сотиш тўхтатилгани ҳам хабар қилинган эди.
