Аввалроқ Ўзбекистон мустақиллигининг 30 йиллигига Қарши шаҳрида 1,35 млрд сўмга байроқ ўрнатилиши ҳақида хабар қилган эдик. Ушбу хабар тарқалгач мазкур мавзу тармоқларда кескин муҳокамаларга сабаб бўлди. Фойдаланувчилар ушбу пулларни янада муҳимроқ ишларга сарфлаш керак деган фикрни ўртага ташлади.
Қашқадарё вилояти ҳокими бу бўйича изоҳ берди. Зоир Мирзаев давлат ғазнасидан ажратиладиган пул байроқ ўрнатишга ажратилмаслигини маълум қилди. Бунинг ўрнига, ўша пул Қаршидаги 136 сонли оилавий ётоқхона таъмирига ажратилиши таъкидланди.
Байроқ эса ўз навбатида шу пулни тўлашга қодир бўлган кўнгилли ҳомийлар топилсагина ўрнатилиши маълум қилинди.
