Аввалроқ сайтимизда Тошкентда бир кишини гуруҳ бўлиб пўппослашгани ҳақида хабар берган эдик. Тошкент шаҳар ИИББ ушбу вазиятга ойдинлик киритди.
Маълум бўлишича, дўппосланган бола официант қизни ҳимоя қилгани учун калтакланган. Воқеа жорий йил 22 апрель куни соат 23:00 да Шайхонтоҳур тумани "Чақар" маҳалласида содир бўлган. Ўша куни 38 ёшли Абдухамид Х. ўзининг танишлари 37 ёшли Дилшодом Г. ва 38 ёшли Аброр М.лар билан юқорида қайд этилган маҳалладаги кафеларнинг бирида овқатланган. Шунда Абдухамид Х. 23 ёшли официант Раъно Р.га нисбатан қўпол муомалада бўлган. Шунда Азим (Азиз) исмли шахс қиз боланинг ёнини олган. Азим (Азиз) кафедан чиқиб кетгандан сўнг Абдухамид Х. ва шериклари уни дўппослашган. Ички ишлар ходимлари келгандан сўнг эса у кетиб қолган. Ушбу вазиятдан кейин Азим (Азиз) ҳеч қаерга соғлиғидан шикоят қилиб мурожаат қилмаган.
Раъно Р.нинг ички ишлар органларига қолдирган аризасидан сўнг Абдухамида Х., Дилшода Г. ва Аброра М.лар маъмурий жавобгарликка тортилган. Улар тегишли моддалар билан 15 суткага қамоққа олинган.
Ҳозирда ИИББ воқеада жабрланган шахсни қидирмоқда ва у ҳақда бирон-бир маълумотга эга бўлганларни 102 рақамига ёки яқин ҳудуддаги ички ишлар органига мурожаат қилиш сўралмоқда.
