Самарқанд вилоятининг Пахтачи туманида Улманой Ўроқова турмуш ўртоғи Элмурод Ўроқовни ўлдириб қўйди, дея хабар қилди EVERYDAY.UZ мухбири жиноят ишлари бўйича Самарқанд вилоят суди судьяси И.Ҳамидов маълумотига таяниб.
Маълум бўлишича Элмурод турмуш қурганидан сўнг бир йил ўтиб ичкиликка рўжо қўйган. Шу зайилда ичиб келиб хотинини урадиган ҳам одат чиқарган. Кунларнинг бирида Элмурод пул топиш мақсадида Наманган вилоятига ишлашга кетган. Лекин у ерда бир инсонни ўлдириб қўйиб, қамалган. Лекин у қамоқдан кейин ҳам ичкиликни ташламаган, хотини ва фарзандларини уришда давом этган. Шундай кунларнинг бирида ичкилик натижасида машина ўғирлаб яна қамалиб чиққан. Бу сафар ҳам у тузалмаган. Эски одатини қилишда давом этган. Хаттоки бир сафар хотини эрини тинчлантириш учун ИИБ ходимини чақиргадна орган вакиллари кетиши билан уни ўлардек дўппослаган. Шундан буён у ИИБга мурожаат қилишни тўхтатган.
Эрининг барча қилиқларига чидаб келган аёл оҳири шунча қилиқларга чидай олмай уни ўлдириб қўйди. Воқеага эса айнан ўша ичкилик сабаб бўлган. Улманой шифохонадан ойлигини олиб келганда эрининг уйда дўстлари билан ароқ ичиб ўтирганини кўради. Эр ўртоқлари кетгандан сўнг уни ароқ олиб келишга буюради. Аёл ароқ олиб келгач эри уни уриб ҳақоратлаб бошлайди, шунда эрининг разил қилиқлари жонига теккан аёл унга ароқ шишаси билан бошига зарба беради, эр эса ҳушини йўқотиб йиқилади. Эрининг ўзига келиб яна қайта уришидан чўчиган аёл уни кўчага, совуқда ташқарига чиқариб қўяди. Шундан сўнг эр ўзига келмай вафот этади.
Бир оилага шундай кўринишда дарз кетди. Судья эса бу қилмиш учун аёлга қандай жазо берилганини маълум қилмаган.
Аввалроқ Самарқандда аёл қизини зўрламоқчи бўлган эрини шиша идиш билан уриб, сўнг гиламга ўраб кўчага олиб чиқиб қўйгани ва шунинг натижасида эри вафот этгани ҳақида хабар берган эдик.
