Тармоқларда каналдан топилган "Тико" автомобили расми тарқалди. Унинг ичида занжирга боғланган эркакнинг мурдаси ҳам топилган. Бош прокуратура ушбу ҳодисага изоҳ берди.
Маълум бўлишича, автомобиль ичида Хоразм вилояти Ҳазорасп туманида яшаган фуқаро бўлган. 1986 йилда туғилган эркак шу йил 27 март куни отасининг автомобилида чиқиб кетиб, қайтиб келмаган.
Эркакнинг қариндошлари ҳуқуқ тартибот органларига мурожаат қилгандан кейин уни қидириш ишлари бошланган. Ҳуқуқ тартибот органлари ходимлари эркак тумандаги канал олдидан ўтганини аниқлашган. Шу сабабга кўра уни чўкиб кетган деган таҳминга келинган. Амалга оширилган тадбирлар натижасида каналдан автомобиль ва эркакнинг мурдаси топилган. Ҳозирда ҳолат бўйича жиноий иш қўзғатилган ва воқеа сабаблари ўрганилмоқда.
