ДХХ ва прокуратура томонидан ўтказилган тадбирлар давомида мансабдор шахслар пора билан қўлга олинди. Бу ҳақда "Ўзбекистон24" телеканалида лавҳа намойиш этилди.
Маълум бўлишича, Тошкент вилоятида шундай ҳолат билан боғлиқ иккита вазият кузатилган. Хусусан, вилоятдаги туманларнинг бирида ҳоким ўринбосари бўлиб ишловчи шахс 10 гектар бўш ерни 60 минг долларга сотишини ва тегишли ҳужжатларни расмийлаштириб беришини айтиб ундан 25 минг доллар олаётганда қўлга олинган.
Шунингдек, ушбу вилоятда жойлашган Мудофаа вазирлиги тизимидаги ҳарбий қисмларнинг бирида хизмат қилувчи майор фуқарога ҳарбий хизматга қабул қилинишига ёрдам беришини айтиб, ундан 3 минг долларни олаётганда ашёвий далиллар билан ушланган.
Лавҳада Консерватория билан боғлиқ ҳолат ҳам ёритилган (уни аввалроқ сайтимизда эълон қилган эдик).
Шу билан бирга ДХХ ва прокурутара ходимлари Хоразмда коррупция билан боғлиқ ҳолатнинг бирига чек қўйгани маълум қилинган.
Ҳозирда аниқланган барча ҳолатлар бўйича ЖКнинг тегишли моддалари билан жиноий иш қўзғатилган.
