Тошкентда бугун, 18 июнь куни «КамАЗ» иштирокида ЙТҲ содир бўлди.
Маълум бўлишича, воқеа соат 06:00 ларда Шайхонтоҳур туманида содир бўлган. 38 ёшли фуқаро бошқарувида бўлган юк машинаси йўл четидаги реклама устунига бориб урилган. Натижада «КамАЗ» ёниб кетган ва унинг ҳайдовчиси воқеа жойида ҳалок бўлган. Ҳодиса содир бўлган вақтда ўша ерда яна бир фуқаро бўлган. У ҳам тан жароҳати олиб шифохонага олиб борилган ва ўша ерда ҳалок бўлган.
Ҳозирда иккинчи фуқаронинг шахсига аниқлик киритилмоқда.
Пойтахт ИИББнинг хабар қилишича, ҳодиса сабаблари ўрганилмоқда.
