Қашқадарёда собиқ ички ишлар ходими судда кўрилаётган жиноят ишини 2 минг долларга ҳал қилиб бермоқчи бўлди. Бу ҳақда EVERYDAY.UZ мухбири хабар қилди.
Маълум бўлишича, Қашқадарёда яшовчи, аввал ички ишларда ишлаган шахс Косон туманида кўрилаётган жиноят ишини танишлари орқали ҳал қилиб беришини айтиб, фуқародан 2 минг доллар талаб қилган. У пулларни олаётган вақтда ДХХ ва прокуратура ходимлари томонидан қўлга олинган.
Шунингдек, Наманганда фуқаро ўзи балиқчилик қилиб келаётган ерининг бир қисмини, 7,5 гектарини бошқа фуқарога 10 минг долларга сотишга келишиб, шунинг 65 млн сўмини олаётганда ходимлар томонидан ушланган.
Ҳозирда ушбу ҳолатлар бўйича ЖКнинг тегишли моддалари билан жиноий иш қўзғатилган.
